






Abalimi berayisi baseMelika nabakwa Afrika ngokugqiba unyaka wedemokhrasi!
Kelvinator bavuyisana noMzantsi wokuqala ulawulwa ngurhulumente

* IBHASO LOKUQALA -


abafundi ababini baza kuzuza ifriji eneengcango ezimbini
iKELVINATOR DT138 emnye. Le friji iyi-377 litre inkulu yaye inokugcina ukutya kosapho olukhulu. Kulula ukuyicoca, iishelfu zayo unokuzmisa ngendlela othanda ngayo, iinebhaskithi ezinkulu zokugcina ukutya.
IBHASO LESITHATHU - abafundi abane baya kuzuza iKELVINATOR MM17M Microwave. Yeyodidi oluphambili yaye inde nakuliphi na ikhitshi. Iyi-17 Iitre kanti inamand1a ayi.800w yaye unokufudumeza okanye upheke izid1o ezahlukeneyo lu1a nangokukhawuleza ngayo. Kulu1a ukuyicoca le microwave njengazo zonke izixhobo zasekhitshini ZakwaKELVINATOR.

IKHUPHONI
Thumela ikhuphoni ezalisiweyo negama lohlobo lwerayisi
- olisike kwipakethe yayo, okanye ikopi yegama - uzifake kwimvulophu enye ku1e dilesi: AMERICAN RICE/KELVINATOR COMPETITION, P.O. Box 52537, Saxomold, 2132.
I. Ilinywa kweliphi ilizwe irayisi yodidi oluphambili? Impendulo: 

 2. Gqibezela esi sivakalisi silandeiayo: Keivinator: Its for

3. Unaso isixhobo sasekhitshini sakwaKelvinator? Ewe:.. Hayi:.. (phawula ibhokisi)



IFLOWERPOT HERB BREAD
IZITHAKO:
15m1 yeNCP Dried Yeast OKANYE igaqa le-25g YeNCP Fresh Yeast lOml yeswekile
400m1 yamanzi adikidiki iqanda elikhulu 75m1 yeoyile
20m1 yetyuwa
ikomityi yemithana yokunonga esandul ukwakhiwa, inqunqisiswe (njengeparsley, ibasil, iotiganum, isage, ithyme) 1250 ukuya kwi- 1500m1 yeflawa

INDLELA YOKWENZA:
Inyathelo loku-1: Xuba igwele, iswekile ne-1 25m1 yamanzi adikidiki ndawonye esityeni esikhulu. Kuyeke kuhlala imizuzu emi-5 ukuya kweli-1O de kube nogwebu. Galela intsalela yamanzi adikidiki, iqanda, ioyile, ityuwa nemithana yokunonga. Galela iflawa eyaneleyo ukwenza intlama
ethambileyo. Bhukuqa kwindawo efafazwe iflawa, xova ngesandla imizuzu eli-1O okanye emi-5 ngesixubi esisebenza ngombane.

Inyathelo lesi-2: Faka intlama esityeni esifafazwe iflawa, sibekela, yiyeke kwindawo efudumeleyo de inyuke kakhulu - mhlawumbi kusenokuthabatha ama-60 emizuzu. Xova intlama yehle, yisike ibe ngamaqhekeza alinganayo ayi-3cm, yiqengqe ibe ziimbulunga. Iimbulunga zifake kwiimbiza ezenziwe ngomdongwe neziqatywe amafutha. Sibekela iimbiza ngelaphu, ziyeke zinyuke endaweni efudumeleyo ama-30 emizuzu. Kweli nyathelo intlama iya kube inyuke yafika kumphezulu wembiza.
I
 Bhaka kwionti eku-190C ama-20 ukuya kuma-25 emizuzu okanye de kube nombala ogolide-mdaka. Dyobha ngebhotolo enyityilikisiweyo.
 Iimbizana ezenziwe ngomdongwe ziyafumaneka kwiivenkile ezithengisa izityalo.



IMITHETHO


AMA 500 000 EYIMALI NAMABHASO
UKHUPHISWANO LOKUQALA:
AMABHASO AZUZWA NGEPHANYAZO

Omawukwenze kukujonga ukuba iinombolo zakho ezikhethekileyo zemusic-magic ezibhalwe kwiphepha lama-27 ziyafana na neenombolo ezikulo naluphi na uluhlu lweemvumi okanye izixhobo zomculo ezikwiphepha elisekhohlo. Uluhlu ngalunye lwahlukile yaye lunebhaso okanye amabhaso alo. Ukuze uzuze ibhaso kufuneka zifane zonke iinombolo kuluhlu olupheleleyo, funda ukusuka ekhohlo uye ekunene. Ukuba iinombolo zakho ziyafana. tsalela iofisi yolu khuphiswano kule nombolo (021) 26-2513, ngoMvulo kuse ngoLwesihlanu phakathi kwentsimbi ye.9 kusasa kuse kweye-4 emva kwemini kuphela, uze ubanike iinombolo zakho zemusic.magic nekhowudi yonobumba yokhuselo. Ukhuphiswano lwale nyanga luvalwa ngentsimbi ye.4 emva kwemini ngomhla wama.22 kuMeyi ka-1995. Iinombolo ezitsha ziya kukhutshwa kukhuphiswano lwenyanga ezayo.


UKHUPHISWANO LWESIBINI: UTSALO LWAMANGENELO EBHASO LAMA-R50 000

Nalo ulungenela ngendlela efanayo nale ingasentla. Ukuba ziyafana zonke iinombolo zoluhlu olunebhaso lama. R50 000, tsalela umnxeba kwiofisi yokhuphiswano ukuze ufakwe ebantwini abaza kungenela utsalo lwamanganelo oluza kuba ngomhla wama-30 kujuni ka-1995.
l. Olu khuphiswano lungenelwa simahla yaye lunokungenelwa nangubani na ngaphandle kwabasebenzi bakwaRepublican Press Ltd, abakwaSABC, neentsapho zabo. 
2. Unokuzifumanela iiMagic Numbers ngoxa zisafumaneka, ngokuthumela imvulophu ebhalwe igama nedilesi yakho kule dilesi: Music Magic Competition, P.o. Box 2714, Cape Town, 8000. 
3. Xa ufuna ibhaso lakho tsalela umnxeba kule nombolo (021) 26-2513 phakathi neveki phakathi kwentsimbi ye-9 ngentlazane neye. 4 emalanga. 
4. Kuza kuqinisekiswa ukuba banyanisile na abantu abatsale umnxeba xa besithi baphumelele, ngoko thumela imagazini yakho epheleleyo eneenombolo kumququzeleli ukuze aqiniseke. Into ebonisa ukuba uyithumele ngeposi imagazini ayinakwamkelwa njengesiqinisekiso sokuba uyithumele. 5. Nayiphi na inombolo ayinakwamkelwa xa yonakele okanye iguqulwe. 6. Xa engamnyanga umntu oneenombolo eziphumelele ibhaso elithile, umquqnzeleli unelungelo lokulahlulahlula ngokulinganayo ibhaso okanye ixabiso lebhaso ebantwini abaphumeleleyo. 7. Isigqibo soMhleli nangantoni na kolu khuphiswano asinakuphikiswa yaye akusayi kubakho mbalelwano ngaso. 8. Iinkcukacha-zokuba ulungenela njani olu khuphiswano nendlela obiza ngayo ibhaso lakho xa uphumelele iyinxalenye yemithetho yokulungenela. 9. Ingxowa-mali yamabhaso engama. R500 000 ayimali amabhaso eemveliso ahlulahlulwe kane yaye aphunyelelwa nangubani na, uyonga kwimveliso ebhengezwe kwimagazini nganye. 10. ibhaso lejackpot lama-R50 000 liya kutsalwa kuwo onke amangenelo athunyelwe ngabantu abaneenombolo eziphumeleleyo ngomhla wama-30 kujune 1995.


IINOMBOLO ZAKHO ZEMUSIC-MAGIC
Thumela imagazini yakho iBona eneenombolo eziphumeleleyo kule dilesi: P.O. Box 2714, Cape Town 8000.



EZEMPILO ZIKA SISTA LINDIWE


IINCINDI ZISHENXISA AMAFUTHA

Nantsi imfihlo malunga nencindi! Iincindi zeziqhamo nezemifuno zingundonqo xa ufuna ukunciphisa umzimba wakho. Ukusela rhoqo iincindi zeziqhamo ezinjengezediliya, ezeapile nezeorenji kunokukunceda ushenxise amafutha, sitsho isazinzulu ngezondlo saseNew York uGqr. Charles Klein.
Oku kukwenza ucacele ukutya kodwa kukho iikhalori ezimbalwa, ngokwenjenje utya kancinane ingakumbi ukutya okunamafutha. Iswekile yendalo ekwiziqhamo iphucula indlela ekwetyiswa ngayo ukutya, oku kunceda ekutshabalaliseni amafutha amaninzi emzimbeni. UGqr. Klein uthe ngokusela iincindi yeziqhamo neyemifuno uzuza izondlo ezininzi kunaxa ubuza kuzilya iziqhamo. Zinokuphucula impilo yakho zize ziphelise ikholesterol noxinzelelo lwegazi oluphezulu. Xa usela iincindi ezisandul' ukwenziwa, uzifumana ngokukhawuleza ziphelele izondlo zokutya zingangxengwanga.

IKHOLIFLAWA IKUGCINA UBUKEKA USEMTSHA

Ngaba ufuna ukuhlala usemtsha ixesha elide? Yitya ikholiflawa. Lo mfuno omnandi uneekhalori ezimbalwa kodwa uneentsinga ezininzi, ukwane glutathione eyienzyme elwa nokwaluphala. IGlutathione iluncedo ekuthinteleni amachiza ayityhefu eyingozi angangeni emzimbeni, utsho uJean Carper oyingcali oyingcali kwezempilo. Ezi tyhefu zinokulwenza lwaluphale ulusu namanye amalungu, zibangele izifo ezinokukubulala. Eyona ndlela intle kukuyitya ikholiflawa isandul ukuvunwa, usenokuyitya iyodwa okanye ixutywe neesaladi. IGlutathione ikho kwiidiliya, iitapile ezimhlophe, usenza, iipesika, amaqunube, iiorenji neetumato ezingaphekwanga.

IANABOLIC STERIODS
Inkoliso yabantu ngoku iyazazi iianabolic steriod maxa wambi ezisetyenziswa ekwakheni umzimba nezihlunu zeembaleki nabathanda ukuphakamisa iintsimbi.
Nakuba kusemthethweni ukuba ube neanabolic steriods ukuze uzisebenzise, ukuzisebenzisa kunokukubangela ujongwe ungafaneleki okanye ungamkelwa kwaphela kwimidlalo. Iziphumo ezitenxileyo zokuzisebenzisa ithuba elide kumadoda zinokuquka ukonakaliswa kwesibindi, ukuthotha kokuyileka kwamadlozi okanye ungazali, ukushwabana nokuqina kwamasende, ukuba lidlolo nokungakhuli kwamabele. Kwabasetyhini oku kuquka iingxaki ezinjengokuphazamiseka kokuya exesheni, iinguquko kwilungu lesini, ukuba nempandla, amaqhankqa ukuhluma uboya ebusweni nokuba sisitshotho.

UKWENZA IMITHAMBO GQITHA KUYAGULISA

Ukukhuthala ekwenzeni imithambo kunokukugulisa, kuthothisa amandla omzimba okulwa nezifo, lutsho uphando olwenziwa eOstreliya. Abaphandi kwiuniversity of Western Australia bathi bafumanise ukuba ukuthanda ukwenza umthambo kakhulu kuthothisa iiglutamine, ekuyiyo ebalulekileyo kwinkqubo yokuzikhusela komzimba kwizifo.

PHELISA IVUMBA ELIBI LOMZIMBA

Ngaba uthanda ukuphelisa ivumba elibi emzimbeni? Ukusebenzisa ibicarbonate of soda endala engagalelwanga nto kuphelisa ivumba elibi emzimbeni. Amachiza enawo ibulala izinto ezenza umbilo ube nevumba elibi. Yithambise emakhwapheni xa ugqiba ukuhlamba umzimba, uya kunuka kamnandi imini yonke.

PHELISA ISITSHISA NGEGINGER TEA
Nanini na xa unesitshisa sela ikomityi yeginger tea efudumeleyo. Iginger inezithako ezilwa nokwenzeka manqaphanqapha, ithomalalisa ummandla wometyiso, utsho uGqr Kit Karson Crumb.Izinto ezibulala iiasidi zinexabiso eliphezulu kwaye zineziphumo ezitenxileyo, zitsho iingcali zempilo. Zikwenza urhude okanye kuphehl' iiasidi esiswini. Ukuze uphelise ukukhathazwa sisitshisa, sela ikomityi yeginger wakugqiba ukutya. Unokuzenzela uncuthu lwesiselo
ngokugalela iitispuni ezimbini zeginger root esandul ukugreyithwa, okanye iitispuni ezimbini zeground ginger ekomityini yamanzi abilayo. Yiyeke emanzini imizuzu elishumi, sela.

IPEANUT BUTTER IPHELISA
UKUPHUTHELWA
Ipeanut butter inesakha-mzimba ekuthiwa yitryptophan, ikubangela ube nobuthongo bendalo, iphelise ukumana ugqutshalaza, uphethuphethuka ebhedini, ikubangela uphumle kamnandi ubusuku bonke.
Iingcali zithi kufuneka utye amacephe amabini ukuze ulale. Itryptophan ngathi isebenza ngokufanayo neziyobisi eziqhelekileyo zobuthongo, utsho uGqr Sheldon Hendler okwiuniversity of California.
Inezithomalalisi ezingebukhali ezozelisayo kwaye unokulala kungekho ziphumo zitenxileyo ezidla ngokubakho xa usebenzise amanye amayeza obuthongo. Kuyanceda xa uyitya nokutya okunekhabhohidrate njengesonka phambi kokuba ulale.


IFISH OIL ITHOMALALISA IINTLUNGU
ZOMQOLO
Oku kwamafutha kwiihenjisi ezinomhlwa, ifish oil ithambisa amalungu aqaqambayo. Kufuneka nje uzithomalalise ngeepilisi ezimbini ngemini. Icod liver oil nezinye iifish oils zilwa nokudumba emalungwini zithomalalise neentlungu ingakumbi iingqaqambo zomqolo, utsho uGqr Earl Mindel, unjingalwazi wezondlo ePacific Western University eLos Angeles.
Esinye isithako kwifish oil  iomega-3 eyiasidi enamafutha ikwathomalalisa iintlungu nokuqina kwamalungu okubangelwa kukuqaqamba kwamathambo, ludiza oko uphando eAlbany Medical College eNew York. Kulula ukongeza icod liver oil ekutyeni. Unokufumana i-1 000mg yegel capsules kuzo naziphi na iivenkile ezithengisa ukutya okanye iikhemisti. Iingcali zempilo zincomela ukuba uginye iicapsules ezimbini ngemini.


BONA XHOSA - May 1995 101

OMO MAILBAG

Ukuba unengxaki okanye unemibuzo ngevasi, bhalela kule dilesi: omo Moilbag, P.O. Box 1000, Durban, 4000 ukuze uphendulwe, okanye tsalela umnxeba kule nombolo engahlawulelwayo 0800-33281 1. Phulaphula iinkqubo zethu kunomathotholo - uludwe namaxesha ezisasazwa ngowo kwizikhulululo lusekugqibeleni kweli nqaku.


Molweni. Ileta yethu yale nyanga ivela ku... Nksk. Gladys Nkosi, wasePietersburg. Uthanda ukwazi ukuba iOmo Micro inokumbatshisa okanye yonakalise impahla kuba inogwebu olunamandla aphindwe kabini. Nksk. Nkosi, ungabi nexhala kuba iOmo Micro ilungela naliphi na ilaphu -ivavanyiwe ukuqinisekisa ukuba icocisisa ngokukhuselekileyo!
Kodwa kubhetele ukuyisebenzisa ngendlela eyiyo le sepha ukuze ufumane iziphumo ezihle:
1. Sebenzisa icephe elisebhokisini ukulinganisa isixa somgubo owufunayo. 2. Phambi kokuba ufake ivasi, nyibilikisa umgubo emanzini. Ungaze ufafaze umgubo empahleni. 3. Wakugqiba ukuyihlamba ivasi, naphambi kokuba usebenzise isithambisi-mpahla, galela amanzi amanzi okuhlambulula isepha.
4. Iimpahla ezinombala oqaqambileyo ziphendule,
uzaneke ethunzini.

AMACEBISO
OKUSHENXISA
AMABALA
IMayonnaise ineqanda, ucwambu, ioyile neasidi, okuchithelwe yiyo makuhlanjwe ngamanzi abandayo. Yenza intlama yeomo Micro, yidyobhe kwelo bala, yiyeke imizuzu embalwa. Lishenxise ngokuyihlamba impahla ngokwesiqhelo usebenzisa iOmo Micro.
Phulaphula:
iRadio Zulu - ngoMvulo ngeye-2:30 malanga
iRodio Xhosa - ngoLwesibini -
ngeye-1 0:00 ngentlazane iRadio Ndebele - ngoLwesibini -ngeye-9:30 ngentlazane iRadio Sesotho - ngoMvulo -ngeye-2:00 emva kwemini iRadio Lebowa -ngoLwesithathu - ngeye-1 1 :35 ngentlazane (isipedi) iRadio Swazi - ngoLwesine -ngeye-2:00 emva kwemini iRadio Setswana - ngoLwesine -ngeye- 1 0:30 ngentlazane iRadio Venda - ngoLwesithathu
- ngeye-9:30 ngentlazane



		BONA XHOSA - May 1995 93

BONA XHOSA - May 1995 99-

		Gaiie concept and design by Strategic Media Marketing / All rights reserved.

